al7afe تاجي ذهبيّ مرصّع بالجواهر
عدد المساهمات : 191 عدد جواهري : 5584 السٌّمعَة : 9 تاريخ التسجيل : 15/03/2010
| موضوع: ها طفولتك اخبارها اية متشردة ولا هادية ولا اية بالظبط ادخل قولنا الإثنين مارس 15, 2010 4:08 pm | |
| الموضوع ببساطة ان كل واحد هيدخل يقولنا طفولته كانت اية اخبارها
و انا هبتدى طفولتى متفهمش مالها بالرغم انى كنت دايما الاول ع المدرسه بس شكلي كدا يوحيلك اني غبي منساش انى كنت داخل مستمع واول يوم ليا فى المدرسه سقفولى علشان كتبت اسمي كله بالكامل وبسم الله الرحمن الرحيم وانا عندى 5 سنين بس مش كنت بلعب فى الشارع علشان التراب .. كنت عيل نضيف .. بس كانت بنات المدرسه كلها اصحابى مش عارف ليه هههههههههه كمان انا فى رابعه وخامسه ابتدائى كان ليا 2 اصحابى .. شله كده مش بنفارق بعض العبد لله كان عامل زي "البرطه" لا كنت بتكلم و لا كنت شقي و لا ..... من الآخر .. .كنت عيل رخم كده .. مكان ما يحطوني أفضل قاعد .. و اللي زاد الطين بله .. إني لحد قبل ما أدخل المدرسة كنت "ملظلظ" من الخدين فكنت ببقى "مكلضم" على طول ... و الكلضمة باينة ده غير إني كنت "بدمعة" و بعيط بسرعة قوي كنت رخم بكل ما تحمله الكلمة من معانٍ رخمة متهيأ لي ما كانش حد بيطيقني غير الست الوالدة و العائلة الكريمة .. القرد في عين أمه غزال و تمر السنين و الأيام لحد 3 إعدادي لما "اتحررت" شوية , و بدأ يبقى لي أصحاب ... أو بمعنى أصح .. زملاء من الآخر .. أنا لو كنت أبويا كنت زماني رميتني في الشارع لأني كنت حتة عيل "لطخ" جامدة قوي الكلمة الأخيرة دي .. معلش يا أنا انا حتى لما اشوف صوري وانا طفل بقرف ايه العيل الغتيت ده وماليش دعوه بحد لحد ما كبرت شويه عارفين العيال الرخمه اللي مش بتغيب ولا يوم وعلى طول اول كرسي ولو مش من الاوائل يجيلي حسره في بطني يااااااااااه الله لا يعودها ايام طفولة زباله زباله يلا بقى عشان ريق صوابعي نشف من الكتابه يلا مين عليه الدور
| |
|
آهات فلسطين تاجي فضّيّ
عدد المساهمات : 38 عدد جواهري : 5260 السٌّمعَة : 9 تاريخ التسجيل : 20/02/2010 العمر : 28
| موضوع: رد: ها طفولتك اخبارها اية متشردة ولا هادية ولا اية بالظبط ادخل قولنا الإثنين مارس 15, 2010 6:17 pm | |
| | |
|